( 13 ) { 離 鄉 別 井 ]
在過慣 「我行我素」 及不締「五花八門」 之港式生活忽然而作一百八十度之轉變而要奉行 「規行矩步」 接近 「遁跡空門」之加國模式, 凡擬移民之人仕, 所付出之代價及犧牲之程度因人而異, 以老鴻而言, 可從其致親友歸鴻中得其精髓, 苦樂活然紙上 :
( 一 ) 在他致沙律姑媽信中述及------有人話 : 加拿大有名俾你叫------「艱難大」(偕音),首先要能頂得順第一關之零下幾十度之低溫, 之後又要面臨第二關------切身關係之稅務「搾汁機」, 加拿大政府會毫不客氣同你將閣下之總收入四六分賬, 仲有就算飲餐茶, 亦都要俾一成以上之稅項, 接近強盜式稅制對老百姓來講, 雖然不受歡迎, 但只得逆來順受, 這幾個月來, 未見其利, 先見利害, 無端洗多一筆銷售稅, 難道此乃移民之代價 ? 至於第三關之語言, 文化, 融入主流社會等適應技巧, 就認真考功夫, 也許第三關之適應期需時會較長.
( 二 ) 在他致其表組信中則提及----我們已遠離老家----香港兩個幾月, 實在唔捨得, 點都唔似香港樣樣有, 任何時間出入都咁方便, 諗番轉頭, 移民所付出之代價都唔算少……落機時已首次見到真雪, 幼女幾開心, 第二日即遇巴士工人抗議削減薪津而罷工, 歷時廿幾日, 冇車出入就苦過弟弟, 唯一好處就係交通非常暢通 ; 有一次同老伴睇醫生, 我與侄兒剛行出醫務所時, 見有一個老華僑看完醫生, 當過馬路時, 由於地下有積雪而滑低, 非常痛楚, 霎時間只見兩個路人好似從天而降, 分左右扶持該老人家折返醫務所, 撓攘達成個鐘都不介意, 其見義勇為之精神, 是值得咱們華裔多多借鏡.
( 三 ) 在其致同事信中則揚言 ------ 忝居渥太華, 彷彿有如置身僻壤, 游目四顧, 右里左鄰, 華人數目, 鳳毛麟角, 尤有甚者, 唐人街內, 徒得虛名, 港式食肆, 聊聊可數, 家庭用品, 肉類菜蔬, 雪藏付運, 新鮮程度, 大打折扣, 更瀾人靜, 不勝唏噓, 撫心自問, 移民何價 ?
( 四 ) 在其致老友達少信中透露------「三國演義」都有講 : " 久分必合, 久合必分 ", 若以大晚而言頗為應驗 : 皆因老伴不但與其弟久別異域重逢, 大晚三甥之居所更在咫尺之遙, 求之不得似已成過去式, 哈尼路亞, 至於大晚與家姐向來相依為命, 她臨返港之前, 因一時感觸而大喊一場, 所以辛辛苦苦而臨老離鄉別井, 是禍是福, 下回分解.