《辛丑回眸系列》之〔殘文薈萃〕（二十三）
（甲）《新天地前奏曲》
香港余老家 竹幕太可怕 爐灶甫另起 來到渥太華
冬日泛雪花 夏天嘆冰茶 秋葉善色變 春夢綺幻化
寄語黃大媽 萬事宜看化 平安無價寶 頤養毋牽掛
老鴻天不怕 那管患老花 一朝乘黃鶴 天氣哈哈哈
（乙）《恭賀【加京華報】廿八週年報慶寄語》
恭加京 賀加京 洛陽紙貴好本領
華報興 華報盛 為民喉舌盼莫停
欣逢報慶 廿八年來風騷領
精益求精 揮鐵筆道盡世情
專欄多強勁 副刊也溫罄
瞻前景 旭日升 齊飲勝 喜盈盈
（丙）摩登鴻雁
契公：你好嗎？收信之時，想必金雞掛帥，一切牛鬼蛇神都要企埋一邊，從此天下太平，望都咁望咯，咪話唔盞鬼，哈哈哈。
晚生同家人來到「艱難大」食緊穀種唔經唔覺已食足八年，「加燦」就係如此這般托世，睇來特區始終係「福地」，都唔恨得咁多咯，鬼叫你窮，都要鼎硬上。
家眷托賴粗安，亞欣仲未嫁人、亞端已初為人母、亞瑜仲係學生、姑媽已告無恙、晚生做「柴可夫」，孫女嬌小玲瓏，年中幾次共聚天倫，都算係咁咯。
特區都咪話唔巴閉，今年竟然請到世界盃盟主巴西隊賀歲，究竟酬金要幾多銀兩？特聯（以前稱為港聯）有冇重金禮聘外援？睹波盤口開出幾多？特聯有冇機會破蛋？打到呢度，限於篇幅，下回續談，祝 龍馬精神。
N年前舊檔於二０二一年七月六日重修