【末世文摘系列】
（一） 《檢疫年年》
你看突手多痴線 封區送舊年 你看大眾多吹漲 個個等強檢
好鬼興 妖啦星 響徹葵涌上 齊聲 好心你 派個補命錢
官商派對共歡慶 辛苦百姓就冇得見 年年檢疫 檢疫年年
（二） 《袁神到》
袁神到 袁神到 封樓好恐怖 袁神話 袁神話 封樓依正路
袁神到 袁神到 好走快兩步 小心佢睇你 你個大廈圖
全街帶口罩 抵抗疫情 兩個鴨嘴口罩 確係強勁
大家與餐廳 冇晒人影 演唱會加花市 都要暫停
野豬與倉鼠 等去送頭 人類太多醜惡 百孽承受
病菌似識走 午市停手 一起聽歌好嗎 倒轉地球
袁神到 袁神到 封區跟封舖 袁神話 袁神話 打針先正道
袁神到 袁神到 觀點與角度 打晒三針好嗎 谷多啲數
（三） 《公司公司》
防疫不能返工 我最愛是返工 只有一個訴求 就是返到公司
封區已到盡頭 真是好的消息 解封第一句話 就是返到公司
公司公司恭喜你呀 公司公司我愛你
公司公司恭喜你呀 公司公司我愛你
（四）《新春感染2022》
炎 又肺炎 又到邊一區強檢 如若中招 竹高相見 困足廿一天
各界齊攬抄 大家冇乜生意 年年年又過年 一咳新春又變種了
炎 又肺炎 沒有打針可去邊 堂食搭車 安心出殯 再加打針紙
愛國服從正苦以表心意 武漢冇肺炎 出年剝口罩後相見
大晚月旦：晴少之冷眼道盡特首倒行逆施、無端封樓、醫護高層進退失據、倉鼠群組死於非命、病菌似甩繩馬騮、全民作白老鼠、全球藥廠生意無憂、「打工仔返工」反緊箍咒、竹高灣乃苛政煉獄、攬抄變種共冶一爐，禍兮福所倚，愛國歪論，罄竹難書。
二０二二年二月三日