陳老師今早出嘅試題，你有貨交未呀？我就攪掂咗喇。
生與死
來又去，去又來，
生有死時、死有生。
福禍誰降將天問，問天將降誰禍福？
上而下，下而上，
神子為人、為子神。
信心堅守持望盼，盼望持守堅心信。
左望右，右望左，
喜訊傳來、傳訊喜。
廣播傳揚弘真道，道真弘揚傳播廣。
前在後，後在前，
苦盡甘來、甘盡苦。
主恩深愛啟蒙愚，愚蒙啟愛深恩主。
哈哈，收工啦，請呀！
Stanley
※ ※ ※ ※ ※ ※ ※ ※ ※ ※
邊到抄番嚟咖？本人從來都係慢工出細貨嘅！
Raymond
※ ※ ※ ※ ※ ※ ※ ※ ※ ※
咪係今朝團契囉，我聽見主席咁話，咪哪哪聲抄晒佢囉。你聽唔倒咩，係咪瞓咗覺呀？可能你個WiFi失靈喎，㩒咗佢落街算啦。
Stanley
※ ※ ※ ※ ※ ※ ※ ※ ※ ※
神愛人。 人愛神 情暖心兮 。 心暖情 貴精不貴多，請呀！
Raymond
※ ※ ※ ※ ※ ※ ※ ※ ※ ※
辛丑檑台 : （上）
生之頌大矣哉 :
【生】有【浮生】、
【生】誕【初生】、
【生】冀【永生】、
【生】養【放生】、
【生】活【人生】、
【生】存【民生】、
【生】兮【出生】、
【生】爾【花生】、
【生】前【先生】
【死】前【詐死】、
【死】忌【炸死】、
【死】城【起死】、
【死】矣【入死】、
【死】哉【怕死】、
【死】真【抵死】、
【死】結【不死】、
【死】也【笑死】、
【死】鬼【餓死】。
陳大晚
※ ※ ※ ※ ※ ※ ※ ※ ※ ※
死之途百門矣（前郵如上，不贅）。
陳大晚
※ ※ ※ ※ ※ ※ ※ ※ ※ ※
你有冇留意第三段呀？左望望，右望望，睄倒隔離又抄多幾句，冇衰嘅，多咗老師又唔會扣分嘅。
生與死
來又去，去又來，
生有死時、死有生...(原來復活竟是真)。
福禍誰降將天問，問天將降誰禍福？
上而下，下而上，
神子為人、為子神...(因祂甘心贖罪人)。
信心堅守持望盼，盼望持守堅心信。
左望右，右望左，
喜訊傳遞、傳訊喜...(天涯海角足跡美)。
廣播傳揚弘真道，道真弘揚傳播廣。
前在後，後在前，
苦盡甘來、甘盡苦...(嬴得喜樂常歡呼)。
主恩深愛啟蒙愚，愚蒙啟愛深恩主。
Stanley
※ ※ ※ ※ ※ ※ ※ ※ ※ ※
漏了：
真愛心情傳真道。道真傳情心愛真
神愛人。 人愛神
Raymond
※ ※ ※ ※ ※ ※ ※ ※ ※ ※
點解日落西山都會聽到雞啼嘅哩？
Stanley
※ ※ ※ ※ ※ ※ ※ ※ ※ ※
皆因那隻雞公啱啱由香港運到，時差仲未搞惦。
陳大晚
※ ※ ※ ※ ※ ※ ※ ※ ※ ※
哈哈，最有興趣的生是「花生」，最慘的死是「餓死」
Stanley
※ ※ ※ ※ ※ ※ ※ ※ ※ ※
哩句真係熟口熟面噃，陳老師要小心佢有冇抄襲番嚟呀，卑O分佢就啱啦。 重抄到錯哂，「真」其實係「主」，一句點可能有兩個真字㗎，「心」其實係「深」，梗係偷聽番嚟又寫錯，重差過啲殘片嘅字幕。
Stanley
※ ※ ※ ※ ※ ※ ※ ※ ※ ※
清者自清
※ ※ ※ ※ ※ ※ ※ ※ ※ ※
啱啱做咗24隻腸仔包，你估我可以食倒幾多隻呢？ Hint: 一生…. 半世...
Stanley
※ ※ ※ ※ ※ ※ ※ ※ ※ ※
兒女債，老婆奴和腸仔包？風馬牛不相及！
Raymond
※ ※ ※ ※ ※ ※ ※ ※ ※ ※
大學仕若一世食一個，廿四世包食完D場仔包
陳大晚
※ ※ ※ ※ ※ ※ ※ ※ ※ ※
辛丑檑台—（中）悠悠晚風，觸目所及，檑台方圓祇及數尺，者也之乎充斥其間，悶甚。話題一轉，別有洞天，解頤乙篇，信手拿來，內文曰：「小小學童，遲到成闢，先生儆之，貼出告示，文曰 : “後至後歸，若怕後歸毋後至”。俄頃，小小學童，不以為然，振筆直書 : “先【生】先《死》，若怕先《死》莫先【生】”
陳大晚
※ ※ ※ ※ ※ ※ ※ ※ ※ ※
咁就要睇吓係邊種先生喇。只係話佢兩聲遲到要留堂，就咒罵先生去死，咁嘅學生應該送佢返屋企，重要將佢父母召來教訓一番。當然，這個意見只是小數，問問Raymond，多數人會點樣反應？為咗五斗米，俾東家個衰仔疾兩句，good聲吞咗就算啦？
作者本身就是學生，以為自己非常聰明，有鬼才，反應快，可以反傳統，叻過先生？
我就會拎起支筆畫咗若怕，改為不懼，畫咗個莫字，改為當字，(跟住將班房嘅冷氣開到最盡，放啲恐佈片嘅背景音樂，即係班學生唔識都俾你嚇死)，然後對班學生話，邊個唔服氣，可以跟佢一齊執嘢番屋企。對聯格式都未曉，就學人聊事生非，嚟學校唔學嘢想做咩呀？
Stanley
※ ※ ※ ※ ※ ※ ※ ※ ※ ※
賈先生諍言虞兮
賽五胡之亂矣
五柳先生罷官兮
反樸不亦樂乎
雙親貼錢受難兮
敢跨後無來者
good聲吞咗倩兮
卸長誠一樂也
由來青出於藍兮
自古無以尚之
學店日本郵船兮
執笠嗚呼哀哉
陳大晚
※ ※ ※ ※ ※ ※ ※ ※ ※ ※