《辛丑回眸系列》之〔殘文薈萃〕（二十五）
《仲夏解頤篇》之〔旦之玄舞曲〕
先後難分雞與旦
濁清易隔水溝油
達爾文成世人最失敗的地方就係先後不分。
話說某夫人早餐食完〔旦〕牛治返工之前同老公親一親。
跟住帶半打鹵水〔旦〕孝敬波士，皆因她的波士無〔旦〕不歡。
禽日正話食過Wasabi奄列，攪到成日肚痾。
收工後約埋班馬仔踢波，竟然猛咁痾〔旦〕。
踢完波後班大隊去蛇竇食〔旦〕撻。
冇幾耐一齊去山窿謝記食魚〔旦〕粉。
其後收到料，燒鵝輝已到金山賣咸鴨〔旦〕，即刻打電話卑老公買一打 復活節〔旦〕到他的墳前拜祭一番，悼念一代宗師從此完〔旦〕。
返到屋企，已經三更半夜，又要泡制茶葉「旦」卑波士。
由於明日既係佢老公牛一，梗係要焗定一個綠茶〔旦〕糕，祝他步步高陞。
又係佢的寶貝女十二歲生日，自然要煮一隻〔旦〕給她作早餐，取其有王管的意思。
下晝同鄭丹瑞開會商量元〔旦〕節目。
黃昏收到一件由約〔旦〕寄出的包裹，內藏龍〔旦〕一隻，好開心。
晚上七點又要同老公觀賞三生三〔旦〕的京劇：花〔旦〕三弄。
回家之後，搵周公之前一邊睇粵語殘片時，見到白燕同張瑛信誓〔旦〕〔旦〕，一邊食咸「旦」瘦肉粥，仲有隔離甩牙三姑孫女滿月送來的紅雞「旦」呢！
綜而言之，某夫人與〔旦〕有多個約會，一笑。
N年前之舊檔於二０二一年七月七日重修 輿薪