牛頭：「果D壞人平時一見到我就腳都軟埋，
唯獨是都唔知點解D小朋友在萬聖節果晚就算見到我，
唔只一D都唔驚，
居然仲請我食好多糖，
累到我成日牙痛，
幾乎搞出糖尿病添」。
馬面：「我仲慘呢！
成班小朋友猛咁扯我塊面，
以為我係戴上面具，
爭D要入醫院做整形手術呀！
嗚、嗚、嗚」。
油炸鬼：「有一次我被某戶人家用萬年油炸成袖珍油條當晚派街坊，
食過的人紛紛中招，
結果該戶人家被人告到甩褲」。
鬼見愁：「若要追上潮流，
睇來我都要即刻改名叫〈鬼咁盞〉咯」。
孤魂：「我都好羨慕西方的牛鬼蛇神咁受人類愛戴，
永遠唔會好似我地經常要在山頭野嶺做無主孤魂咁淒涼」。
吸血疆屍：「平時人類都好怕我會吸佢地的血，
一見我就走直辮尾，
不過果晚由於太多人扮鬼扮怪，
一時真假難分，
幾乎被成擔重的『十字架』壓死多一次」。
閻羅王：「為挽回地府盂蘭勝會聲譽，
唔讓『萬聖節』專美，
係時候搞搞新意思，
凡屬陰差陽錯而誤闖地府冤魂能提供驚天動地好【橋】，
重重有獎，
最高境界可以還陽」。
N年前舊檔於二０二一年十月二十七日重修